Қирғиз Республикаси делегацияси Норин туманидаги Fishville Norin гастрономик туризм марказида амалга оширилаётган ислоҳотлар билан танишди.
2026-04-30 17:50:00 / Янгиликлар
Қирғиз Республикаси Президентининг Жалол-Обод вилоятидаги вакили аппарати ҳамда маҳаллий бошқарув органлари вакилларидан иборат делегация Норин туманида бўлиб, ҳудуддаги илғор лойиҳалар билан яқиндан танишди.
Хусусан, делегация аъзолари Fishville Norin гастрономик туризм марказида яратилган шароитлар ва ишлаб чиқариш жараёнларини кўздан кечирди. Лойиҳа раҳбари Азиз Даминов ташаббуси билан форель балиқ етиштириш, қайта ишлаш ва реализация қилиш тизими самарали йўлга қўйилган.
Лойиҳага жами 15 миллион АҚШ доллари инвестиция жалб этилган бўлиб, корхонада йилига 2000 тонна балиқ маҳсулоти етиштириш қуввати яратилган. Бу эса 10 миллион долларлик экспорт салоҳиятини таъминлаш имконини бермоқда.
Марказ бир вақтнинг ўзида 300 нафаргача меҳмонга хизмат кўрсатади ва лойиҳа доирасида 100 та янги иш ўрни яратилган.
Норин туман ҳокимлиги Ахборот хизмати