#муносабат
2025-12-27 10:55:00 / Янгиликлар
Мурожаатда Янги Ўзбекистонни барпо этиш йўлида қуйидаги 6 та муҳим ва стратегик йўналиш алоҳида белгилаб берилди
1. Иқтисодиётни барқарор ривожлантириш.
2026 йилда тадбиркорликни қўллаб-қувватлаш, инвестиция муҳитини такомиллаштириш ва янги иш ўринларини яратиш орқали иқтисодий ўсишни таъминлаш устувор вазифалардан бири сифатида белгиланди.
2. Аҳоли турмуш даражасини ошириш ва ижтимоий ҳимоя.
Ижтимоий дастурларни янада кенгайтириш, кам таъминланган оилалар ва эҳтиёжманд фуқароларни қўллаб-қувватлаш 2026 йилда давлат сиёсати марказида бўлади.
3. Таълим ва соғлиқни сақлаш соҳаларини ривожлантириш.
Ёш авлод учун сифатли таълим, замонавий соғлиқни сақлаш хизматларини йўлга қўйиш, соғлом ва билимли жамиятни шакллантириш 2026 йилда устувор вазифалардан ҳисобланади.
4. Қонун устуворлиги ва инсон қадрини таъминлаш.
Адолатли судлов тизими, қонун устуворлиги, инсон ҳуқуқ ва эркинликларини ҳимоя қилиш, давлат идораларининг масъулиятини ошириш 2026 йилда ҳам асосий мақсадлар қаторидан жой олди.
5. Ҳудудларни комплекс ривожлантириш ва маҳалла тизими.
Маҳалла, жамоатчилик бошқаруви ва жойларда самарали бўлган ишлаб чиқариш ва ижтимоий инфратузилма лойиҳаларини амалга ошириш орқали барча ҳудудларда яшаш шароитларини яхшилаш — йил номи билан тўлиқ мос йўналиш.
6. Ёшлар ва хотин-қизлар учун имкониятларни кенгайтириш.
Ёшлар, хотин-қизлар ва ижтимоий фаол фуқаролар учун янги имкониятлар яратиш, маънавий-ахлоқий қадриятларни мустаҳкамлаш 2026 йилнинг муҳим йўналишларидан бири сифатида белгиланди.
Ушбу мурожаат 2026 йилда “Маҳаллани ривожлантириш ва жамиятни юксалтириш йили”нинг вазифа ва мақсадларини самарали амалга оширишга йўналтирилган аниқ йўл харитаси сифатида хизмат қилади.
Малика Таджибаева,
Маънавият ва маърифат маркази Норин туман бўлими раҳбари, туман Кенгаши депутати