2023 йилнинг 12-18 февраль кунлари Фарғона шаҳрида Ўзбекистон-Қирғизистон Давлат чегарасини демаркация қилишнинг ташкилий-ҳуқуқий масалаларини келишиш бўйича Ўзбекистон Республикаси ва Қирғизистон Республикаси ҳукуматлари делегациялари ишчи гуруҳларининг навбатдаги йиғилиши бўлиб ўтди.

Томонлар Ўзбекистон-Қирғизистон Давлат чегарасини демаркация қилиш бўйича ишларни тартибга солувчи ҳуқуқий ва техник ҳужжатлар лойиҳаларини келгусида тасдиқлаш учун тайёрладилар ҳамда айрим чегара участкаларида дала ўрганишлар жадвалини келишиб олдилар.

Учрашув дўстлик ва ўзаро ҳамжиҳатлик муҳитида ўтди.

Тадбир якунлари бўйича тегишли Баённома имзоланди.

Навбатдаги учрашув ҚирғизРеспубликаси ҳудудида бўлиб ўтади.

Манба: Ўзбекистон Республикаси Ташқи ишлар вазирлиги