Ўзбекистон Республикаси
Ҳукумат портали

Архив
2023
Календарь

Воқеалар

Дш Сш Чш Пш Жм Шн Як
Порталда янгилик
  • Сен –қудрат манбаи, саодат маскани, жонажон Ўзбекистоним! Батафсил>>>
  • Оммавий савдолар орқали сотилиши белгиланган давлат мулки объектлари Батафсил>>>
  • "Давлат органлари ижтимоий тармоқларда" саҳифаси Батафсил>>>
  • Жонажон Ўзбекистоним, мангу бўл омон! Батафсил>>>
  • «Очиқ бюджет» саҳифаси Батафсил>>>

Ўзбекистон Президенти Беларусь Президентини дипломатик муносабатлар ўрнатилганининг 30 йиллиги билан табриклади

2023-01-23 | Сиёсат

Ўзбекистон ва Беларусь ўртасидаги очиқлик, ўзаро манфаатларни ҳисобга олиш тамойилларига асосланган конструктив ҳамкорлик кенг миқёсдаги йўналишларни ўз ичига олади.

Ўзаро савдо ҳажми муттасил ошмоқда, саноат кооперацияси ва қишлоқ хўжалиги соҳаларида муҳим лойиҳалар муваффақиятли амалга оширилмоқда. Минтақалар ўртасида кўп қиррали алоқалар мустаҳкамланмоқда, таълим ва маданий-гуманитар соҳалардаги алмашинувлар кенгаймоқда. 

Бу Ўзбекистон Республикаси Президенти Шавкат Мирзиёев Беларусь Республикаси Президенти Александр Лукашенкога мамлакатларимиз ўртасида дипломатик муносабатлар ўрнатилганининг 30 йиллиги муносабати билан йўллаган табрикда алоҳида қайд этилди.

Қутловда биргаликдаги саъй-ҳаракатлар туфайли сўнгги йилларда Ўзбекистон ва Беларусь ҳамкорлиги сифат жиҳатидан янги босқичга кўтарилиб, аниқ амалий мазмун билан бойигани таъкидланган. 

Давлатимиз раҳбари Ўзбекистон ва Беларусь шериклигини мамлакатларимиз ва халқларимиз манфаатлари йўлида янада мустаҳкамлаш борасидаги интилиш қатъий эканини қайд этиб, Президент Александр Лукашенкога мустаҳкам соғлиқ, фаровонлик ва давлат ишларида муваффақиятлар, Беларусь халқига эса тинчлик ва равнақ тилади.

Манба: ЎзА

Поделиться