Бўстонлиқ туманида 20 МВт қувватли шамол электр станцияси қурилмоқда
2025-11-14 12:00:00 / Янгиликлар
#яшил_энергия
Хабар берганимиздек, Тошкент вилоятининг Бўстонлиқ туманида қуввати 20 мегаваттга тенг бўлган “Чорвоқ шамол электр станциясини қуриш” лойиҳасига старт берилган эди.
Ушбу электр станцияси 2026 йилда ишга тушилиши режалаштирилган.
Станция ишга туширилгач, йилига ўртача 50 млн кВт·соат электр энергияси ишлаб чиқарилади. Бунинг натижасида 15 млн куб метр табиий газ иқтисод қилиниши ва атмосферага 22 минг тонна зарарли газлар чиқарилишининг олди олинади.
Мазкур электр станция орқали қарийб 20 минг хонадонни электр энергияси билан таъминлаш имконияти яратилади.