Инвестициялар, саноат ва савдо вазирлиги томонидан 2023 йилда эришилган айрим натижалари тўғрисида маълумот
2024-02-28 10:00:00 / Матбуот анжуманлари
I. Инвестициялар
2023 йилда жами 22,4 млрд доллар хорижий инвестициялар жалб қилинди, шу жумладан 19,5 млрд доллар тўғридан-тўғри хорижий инвестиция ва кредитлар (193 %) ўзлаштирилди.
Давлат инвестиция дастури доирасида умумий қиймати 9,4 млрд доллар бўлган 306 та лойиҳа ишга тушиши ҳисобига 56 мингдан ортиқ янги иш ўрни яратилишига эришилди.
II. Экспорт
1. 2023 йил якуни билан республика экспорти 16,6 млрд долларни ташкил этиб, ўсиш суръатлари асосан электротехника (1 млрд доллар, ўсиш 26 %), автомобиль (682 млн доллар, 23 %), нефтегаз (509 млн доллар, 10 %), фармацевтика (130 млн доллар, 95 %), транспорт (1,5 млрд доллар, 5 %) ва туризм (2,1 млрд доллар, 33 %) ҳамда ахборот технология (441 млн доллар, 44 %) каби товар ва хизматлар экспорти ҳисобига таъминланди.
Ҳудудлардан Тошкент шаҳри (1,9 млрд долллар, 9 %) ҳамда Хоразм (340 млн доллар, 44 %), Фарғона (772 млн доллар, 13 %), Сурхондарё (234 млн доллар, 6 %), Сирдарё (331 млн доллар, 3 %) вилоятларида экспортда ўсиш суръатларига эришилди.
3 144 та янги корхоналар экспорт фаолиятига жалб этилиб, қўшимча 1 млрд долларлик маҳсулотлар экспортга чиқарилди.
71 турдаги янги маҳсулотлар илк марта экспортга чиқарилди ва жами қиймати 109 млн долларлик жумладан, аёллар плаши (526 минг долл), пальто (411 минг долл), электрон сигарет учун тамаки (380 минг долл), гиламча (363 минг долл) ва сочиқ (142 минг долл) маҳсулотларидир.
15 та янги бозорлар, жумладан, Дания, Исландия, Мадагаскар, Венесуэла, Уругвай, Замбия, Гана, Кения, Кот-д’Ивуар каби давлатлар ўзлаштирилиб, ушбу давлатларга жами 26 млн долларлик маҳсулотлар экспорт қилинди.
III. Маҳаллийлаштириш ва кооперация соҳаси
2023 йилда Республикага импорт қилинаётган маҳсулотларни камайтириш ва махаллийлаштиришни кенгайтиришни ҳар томонлама қўллаб-қувватлаш бўйича бир қатор тизимли ишлар амалга оширилди.
Хусусан, маҳаллийлаштириш дастурига мувофиқ 2023 йил
2 003 та лойиҳа доирасида 82,8 трлн сўмлик импорт ўрнини босувчи маҳсулотлар ишлаб чиқарилди. (2022 йилга нисбатан 1,7 баробар кўп).
Тармоқ корхоналар 682 та маҳаллийлаштириш лойиҳалари доирасида 41,6 трлн сўмлик, ҳудудий корхоналарда 1321 та лойиҳаларда 41,2 трлн сўмлик маҳсулотлар ишлаб чиқарилди.
Бунинг натижасида импорт ўрнини босиш самарадорлиги 6,7 млрд долларни ташкил этди.
IV. Саноат зоналарини ривожлантириш
2023 йил давомида 766 саноат зоналарида қиймати 9,6 трлн сўмлик 963 та инвестиция лойиҳалари ишга туширилиши эвазига 27 мингдан ортиқ янги иш ўрни яратилди.
Фойдаланишга топширилган 4 745 та лойиҳалар доирасида 53,3 трлн сўмлик маҳсулотлар ишлаб чиқарилиб, жами 972 млн долларлик маҳсулотлар экспортга чиқарилди.
V. Халқаро ҳамкорлик
2023 йил якуни билан халқаро молия институтлари ва хорижий ҳукумат молия ташкилотлари иштирокида амалга оширилаётган лойиҳалар доирасида 2,8 млрд доллар кредит маблағлари ўзлаштирилди.
2023 йилда 50 тадан зиёд халқаро тадбирлар, шу жумладан олий ва юқори даражадаги ташрифларнинг иқтисодий қисми, ҳукуматлараро комиссиялар йиғилишлари ва бизнес форумлар ташкил этилди.
Хусусан, 2023 йил амалга оширилган олий даражадаги ташрифлар доирасида умумий қиймати 140 млрд. доллардан зиёд 1000 га яқин келишувларга эришилди.