ИССВда коррупсияга қарши курашиш бўйича ўқув семинари бўлиб ўтди
2024-01-12 17:35:00 / Пресс-релизлар
Тадбирни Б. Абидов кириш сўзи билан очар экан, Ўзбекистон Республикаси Президентининг “Коррупсияга қарши курашиш фаолиятини самарали ташкил этишга доир қўшимча чора-тадбирлар тўғрисида”ги қарорига мувофиқ вазирлик зиммасига юкланган вазифаларни айтиб ўтди. Шунингдек, у сармоявий ва ишбилармонлик муҳитини яхшилашда вазирлик ўрнининг муҳимлигини таъкидлаб, коррупсияга қарши курашиш борасида вазирлик ходимларини коррупсиянинг ҳар қандай кўринишига тоқат қилмаслик, ўз хизмат вазифаларини ҳалол ва холис бажаришга чақирди.
Кун тартиби доирасида қонун ҳужжатларига риоя этилишини назорат қилиш бўйича ишларни ташкил этиш, коррупсияга қарши курашиш ва жиноятларнинг олдини олишнинг асосий жиҳатлари, коррупсия билан боғлиқ жиноятларни содир этганлик учун белгиланган жавобгарлик тўғрисида тақдимотлар ўтказилди.
Шунингдек, вазирлик томонидан коррупсияга қарши курашиш бўйича комплаенс назорат доирасида амалга оширилаётган чора-тадбирлар тақдим қилинди ва 2024-йилга мўлжалланган тегишли ишлар режаси кўриб чиқилди.
Семинар якунида савол-жавоб сессияси ташкил этилди, унда вазирлик ходимлари коррупсияга қарши курашиш доирасида ўзларини қизиқтирган мавзуларга атрофлича жавоб олиш имконига эга бўлдилар.