Оилаларни мустаҳкамлаш ва яраштиришда нуронийлар асосий йўлбошчиларимиздир
2025-09-09 11:00:00 / Янгиликлар
Нуронийлар – жамиятимизнинг бақувват илдизлари, меҳр қўрғонлари. Улар ҳар жабҳада йўлбошчи ва ташаббускордирлар.
Марғилон шаҳридаги “Нуронийлар маскани”да ўтказилган давра суҳбатида ҳам жамиятда уларнинг ўрни яна бир бор эътироф этилди. Ижтимоий ҳаётда ҳамиша фаолликлари зарурати ҳақида сўз юритилди.
Тадбирда “Нуронийлар” жамғармаси республика кенгаши масъул ходими Ҳайринисо Мирзажонова, вилоят бўлими бош мутахассиси Йорбек Тиллаев, шаҳар бўлими раҳбари Собиржон Тошпўлатов, шаҳар ҳокими ўринбосари Гулнора Жўрабоева ва бошқалар сўз олиб, мавзу юзасидан ўзларининг фикр ва мулоҳазалари, муносабатларини билдириб ўтдилар.
Дарҳақиқат, бугун оилаларни мустаҳкамлаш энг долзарб масала. Афсуски, ажримлар ҳам кўп. Айниқса, ёш оилалардаги муаммолар, орадаги фарзандлар тақдири ташвишли. Шунинг учун ҳам мазкур масалага алоҳида эътибор қаратлиб, сентябрь ойи оилаларни мустаҳкамлаш ва яраштириш ойлиги деб эълон қилинди. Бунда нуронийларнинг кўмагини эҳтиёж жуда катта.
Давра суҳбатида нуронийлар ўз тажрибаларини ўртоқлашдилар. Йиғилиш якунида сентябрь ойида кўпни кўрган ёши улуғлар иштирокида шаҳардаги ажрим ёқасига келиб қолган оилаларни барбод бўлишига йўл қўймаслик, уларни мустаҳкам қўрғонга айлантириш бўйича аниқ таклиф ва мулоҳазалар билдирилди.