Фарғона вилояти Марғилон шаҳар ҳокимлиги

Марғилон шаҳридаги “Пичоқчи” маҳалласи ҳудудида фуқароларга тиббий хизмат кўрсатувчи– «Performance neuro” номли янги реабилитация маркази ишга туширилди.

Шу муносабат билан ўтказилган тантанали очилиш маросимида шаҳар ҳокими Ш.Нисбатхонов, нуронилар ҳамда маҳалла фаоллари иштирок этишди.

Олий тоифали шифокор Алибек Усмонов ташаббуси билан ташкил этилган ушбу марказда Хитой ҳам Корея давлатларидан келтирилган замонавий тиббий ускуналар ёрдамида беморларга аниқ ташхис қўйилиб, малакали шифокорлар томонидан асосан неврологик тиббий хизмат кўрсатилади. Шунингдек, кардиолог, психолог кўриги, эхо-эг, магний терапия физиотерапия муолажалари ҳам йўлга қўйилган.

Ушбу марказнинг ишга туширилиши ҳисобига 8 та янги ишчи ўрни яратилди.