Марғилон шаҳрида Давлат хизматлари самарадорлигини ошириш борасида тизимли ишлар амалга оширилади.
2025-09-03 11:45:00 / Янгиликлар
Бугун Марғилон шаҳар ҳокимлигида вилоят ҳокими ўринбосари Ш. Полвонов, Давлат хизматини ривожлантириш агентлиги вилоят филиали раҳбари ўринбосари А. Акбаров, Ўзбекистон маҳаллалари уюшмалари Фарғона вилоят бошқармаси бошлиғи А. Зиявитдинов, Марғилон шаҳар ҳокими Ш. Нисбатхоновлар иштирокида давлат идоралари хизматчилари учун Очиқ мулоқот ўтказилди.
Ўзаро мулоқот чоғида сўз олганлар томонидан мамлакатимизда сўнгги йилларда давлатимиз раҳбари ташаббуси билан давлат хизмати нуфузини ошириш, давлат хизматчиларини ижтимоий ва моддий қўллаб-қувватлаш борасида амалга оширилаётган ишлар хусусида маълумот берилди.
Мулоқот давомида давлат хизматчилари огоҳ бўлиши лозим бўлган салбий иллатлар, коррупция, одоб-ахлоқ нормалари, кийиниш ва фуқаролар билан мулоқот қилиш маданияти, давлат идоралари имижига таъсир этадиган омиллар ҳам муҳокама этилиб, бу борадаги норматив-ҳуқуқий ҳужжатлар, давлат фуқаролик хизматчилари этикаси бўйича йўриқномалар ва услубий тавсиялар берилди.