«Яшил макон» лойиҳаси доирасида Марғилон шаҳридаги «Пур Сиддиқ» мажмуасида оммавий кўчат экиш ишлари амалга оширилди
2025-12-05 16:45:00 / Янгиликлар
Мазкур лойиҳа доирасида шаҳар ҳокими Ш. Нисбатхонов ҳамда шаҳар прокурори А.Бобохўжаев бошчилигида «Пур Сиддиқ» зиёратгоҳи ҳудудига нуронийлар, шаҳардаги корхона ва ташкилотлар раҳбарлари иштирокида манзарали дарахт кўчатлари экилди.
Шаҳар ҳокими кўчат экиш тадбири давомида бугунги кунда атроф муҳитни муҳофаза қилиш, яшаб турган шаҳримиз, хонадонимиз ва кўчамизни янада обод ва яшил маконга айлантиришдаги ислоҳотларни албатта ўзимиздан бошлашимиз лозим эканлигини таъкидлади.
Давлатимиз раҳбари томонидан илгари мазкур лойиҳа юртимиз бўйлаб кўчат экиб, боғ-роғлар барпо этиш ва теварак-атроф мусаффолигини таъминлашда муҳим аҳамият касб этади.
Шаҳримиздаги хиёбонлар, кўча ва маҳалла ҳудуллари чиқиндилардан тозаланиб турли мевали ва манзарали дарахт кўчатлари ўтказилмоқда.
Бу борадаги тадбирлар мутассади ташкилотлар ҳамкорлигида ҳам жойларда давом этади.