ЎЗБЕКИСТОН ВА АВСТРАЛИЯ: ЧОРВАЧИЛИК СОҲАСИДА ҲАМКОРЛИК ИСТИҚБОЛЛАРИ МУҲОКАМА ҚИЛИНДИ
2026-11-06 17:00:00 / Янгиликлар
Чорвачилик ва яйлов хўжалигини ривожлантириш агентлигида Австралиянинг ADAMAND ENTERPRISES PTY LTD компанияси вакили Андрей Вакулин билан учрашув бўлиб ўтди.
Мулоқотда Агентлик директорининг маслаҳатчиси Алишер Сафаров иштирок этиб, чорвачилик соҳасига илғор хорижий технологияларни жалб қилиш, инвестициявий лойиҳаларни ривожлантириш ва ўзаро ҳамкорликни кенгайтириш масалаларини муҳокама қилди.
🔹 Ҳамкорликнинг устувор йўналишлари:
▪️ Австралиянинг илғор чорвачилик тажрибасини Ўзбекистонда жорий этиш;
▪️ Замонавий чорвачилик комплексларини ташкил этиш;
▪️ Ишлаб чиқариш самарадорлигини ошириш;
▪️ Истиқболли инвестициявий лойиҳаларни ишлаб чиқиш;
▪️ Халқаро экспертларни жалб этиш ва техник-иқтисодий асосларни тайёрлаш.
Учрашув якунида томонлар ўзаро манфаатли ҳамкорлик имкониятларини ўрганиш, истиқболли ташаббуслар юзасидан амалий таклифлар ишлаб чиқиш муҳимлигини таъкидладилар.