Наманган вилояти Косонсой тумани ҳокимлиги

Ассалому алекум Ҳурматли маҳалла тизими фидойилари!

Сизларни 22-март — “Маҳалла тизими ходимлари куни” муносабати билан чин қалбимдан самимий муборакбод этаман.

Юртимизда 2026 йилнинг “Маҳаллани ривожлантириш ва жамиятни юксалтириш йили” деб эълон қилиниши бежиз эмас. Зеро, маҳалла — бу халқ билан давлат ўртасидаги энг яқин ва ишончли кўприкдир.

Юртбошимиз таъкидлаганларидек:

“Маҳалла — бу фақат ҳудудий бирлик эмас, балки инсон қадри улуғланадиган, аҳоли муаммолари ҳал этиладиган, жамият таянчи бўлган муҳим маскандир.”

Дарҳақиқат, сиз азизларнинг фидокорона меҳнатингиз туфайли маҳаллаларда тинчлик, ҳамжиҳатлик ва меҳр-оқибат муҳити мустаҳкамланмоқда. Ҳар бир хонадоннинг дарди билан яшаб, халқимиз фаровонлиги йўлида сидқидилдан хизмат қилаётганингиз алоҳида эътирофга лойиқдир. Бугунги кунда сизларнинг зимманингиздаги масъулият янада ортиб, маҳаллаларни обод қилиш, аҳолининг муаммоларини жойида ҳал этиш, ёшларни тарбиялаш ва ижтимоий ҳимояни кучайтиришда беқиёс хизмат қилмоқдасиз.

Юртимизда нишонланаётган ушбу байрам яшариш ва янгиланиш, меҳр-оқибат айёми – Наврўз тантаналари давом этаётган мана шундай шукуҳли кунда ўтказилаётганида ўзига хос рамзий маъно бор. Маҳалла – асрлар оша миллий урф-одат ва анъаналаримизни безавол сақлаб, халқимиз учун эзгулик ва тарбия бешиги, яхши қўшничилик ва ҳамжиҳатлик маскани бўлиб келмоқда. Биз маҳалла деганда, дунёда камдан-кам учрайдиган, инсонни жамият билан уйғун бўлиб яшашга ўргатиб, бағрикенглик руҳида тарбиялайдиган, халқ билан давлат ўртасидаги ишончли кўприк вазифасини бажарадиган ноёб тузилмани тушунамиз.

Ҳурматли тадбир иштирокчилари бу даврда соҳа ривожига доир 50 дан ортиқ норматив-ҳуқуқий ҳужжатлар қабул қилингани, ҳар бир ҳудудда Обод ва хавфсиз маҳалла тамойилига асосланган янги тизим жорий этилганини алоҳида қайд этиш лозим.

Шу қатори туманимизда хам бир қатор ишлар амалга оширилди. Жумладан: Тумандаги маҳалла фуқаролар йиғиниларини моддий техника базасини мустахкамлаш мақсадида 42 та маҳаллаларга компютер жамламаси учун 292 млн 598 минг сўм, 50 та маҳаллаларга принтер учун
193 млн 123 минг сўм, 18 та маҳаллаларга кондиционер учун 120 млн сўм, 15 та маҳаллаларга мебел жихозлари учун 42 млн сўм, 19 та маҳаллаларни хизмат биноларини таъмирлаш учун 106 млн 540 минг сўм, 21 та маҳаллалар биносига ҳамда
1 нафар кам таъминланган ҳонадонга қуёшли панел ўрнатиш учун 450 млн сўм, 46 та маҳаллаларнинг кадастр хужжатларини расмийлаштириш учун 125 млн 551 минг сўм, 23 та маҳаллаларда тунги ёритиш чироқлари учун 229 млн 573 минг сўм, 15 та маҳаллаларда ёнғинга қарши жихозлари учун 32 млн сўм, 6 та маҳаллаларга кузатув камералари учун 17 млн 600 минг сўм, ҳамда 25 та маҳалларга ободонлаштириш жиҳозлари олиб фойдаланилиш учун 23 млн 471 минг сўм маблағ сарфланди.

Маҳалла ҳодимлари куни муносабати билан Хонқўрғон маҳалласининг янги хизмат биноси фойдаланишга топширилди. Ҳозирда Ширинбулоқ, Замондош, Мажнунтол, Чорбоғ ва С.Шерозий маҳаллалари учун хизмат биноси қуриш ишлари олиб борилмоқда.

Азиз дўстлар! Бугунги кескин ва шиддатли глобаллашув даврида юртимизда ўзаро аҳиллик ва тотувлик, меҳр-оқибат ва бағрикенглик тамойилларини, миллий ва умуминсоний қадриятларни асраб-авайлашда маҳаллаларнинг ўрни ва нуфузи тобора ортиб бормоқда. Айни пайтда ушбу тизимнинг нуфузи ва фаолияти самарасини кучайтириш, уни фуқаролар ўз фикри ва дардини, таклиф-тавсияларини эркин айтадиган, муаммосига ечим топадиган чинакам халқчил идорага айлантириш ҳар қачонгидан долзарб аҳамият касб этмоқда. Халқимизда бир болага етти маҳалла ота-она, деган гап бежиз айтилмаган. Фарзандларимизнинг маънавий баркамол инсонлар бўлиб вояга етиши, ёш оилаларнинг мустаҳкам оёққа туриб олишида ушбу тузилманинг ролини яна-да ошириш, эзгу ишларимизни изчил давом эттириш бугунги кун талабидир. Маҳалла раиси фаол ислоҳотчи сифатида, аввало, замон билан ҳамқадам бўлиши, ўз билим ва малакасини доимий ошириб бориш ҳақида ўйлаши, “Обод маҳалла”, “Обод кўча”, “Обод хонадон” мезонларини ҳаётга татбиқ этиш, турли ижтимоий муаммоларни ҳал қилиш, ишсизлик ва камбағалликни қисқартириш, маҳаллаларни тадбиркорлик марказларига айлантириш чораларини кўриши даркор. Халқимизни ҳаётдан рози қилишдек улуғвор мақсадга эришиш йўлида биз ислоҳотларни маҳаллабай асосда амалга ошириш, барча қишлоқ ва маҳаллаларимизни жадал ривожлантиришга биринчи даражали эътибор қаратмоқдамиз. Ҳурматли маҳалла тизими ходимлари! Муҳтарам фахрийларимиз! Халқ ишончини оқлаш, унга муносиб бўлиш – дунёдаги энг улуғ бахтдир. Шундай бахт, шундай шараф ҳаммангизга насиб этсин! Сизларни бугунги қутлуғ байрам билан яна бир бор муборакбод этар эканман, барчангизга мустаҳкам соғлиқ, хонадонларингизга файз-у барака, масъулиятли ва серқирра фаолиятингизда янги ютуқ ва омадлар тилайман.

Эътиборингиз учун рахмат!