Тоғ-кон саноати ва геология соҳасини назорат қилиш инспекцияси
бўйича “Ижро.гов.уз” тизимида 2025 йил январь-декабрь ойларида белгиланган топшириқлар ижроси юзасидан

МАЪЛУМОТ

Ўзбекистон Республикаси Президентининг “Давлат органларида
ва ташкилотларда ижро интизомин янада мустаҳкамлашнинг қўшимча чора-тадбирлари тўғрисида” 2025-йил 25-июлдаги ПФ-117-сон Фармонига мувофиқ:

Ҳисоб палатасининг Ўзбекистон Республикаси Президентининг ҳужжатлари ижросини назорат қилишдаги роли оширишилди;

Вазирлар Маҳкамаси қарорлари ижросини назорат қилишнинг янги механизмлари жорий қилинди;

норматив-ҳуқуқий ҳужжатлар ижросини тўлиқ ташкил этиш ва ижро сифатини баҳолашнинг янги тартиби жорий қилинди;

Ижро интизомини таъминлаш жараёнларига замонавий ахборот-коммуникация технологияларини жорий қилиш белгилаб берилди.

Шунингдек, Ўзбекистон Республикаси Президенти Администратсияси раҳбари фармойишлари ва топшириқлари ижросини “ижро.гов.уз” тизими орқали назорат қилиш Президент ҳужжатлари ижросини назорат қилиш тартибида йўлга қўйилди.

“Ijro.gov.uz” электрон тизими орқали Қонунлар, Ўзбекистон Республикаси Президентининг Фармон, қарор, фармойиш ва топшириқлари ижросини ташкил этиш тартиби тўғрисидаги Низоми янги таҳрирда тасдиқланди.

Фармони 7-бандига мувофиқ Қонунчилик ҳужжатлари ва топшириқлар ижросини таъминлашда жамоатчилик назоратини ўрнатиш мақсадида 2025 йил 1 октябрдан бошлаб, шу жумладан:

ҳар чоракда давлат органлари ва ташкилотларнинг раҳбарлари қонунлар, Ўзбекистон Республикаси Президенти ва Ҳукумат ҳужжатлари ижроси ҳолати бўйича кенг жамоатчиликка ҳисобот бериши тартиби жорий этилди.

Шунга кўра Ўзбекистон Республикаси Президенти ва Президент Администрацияси раҳбари ҳамда Вазирлар Маҳкамасининг топшириқларида Тоғ-кон саноати ва геология соҳасини назорат қилиш инспекциясига
2025 йилнинг 12 ойида берилган топшириқлар ижроси ҳолати қуйидагича:

Жорий йилнинг январь-декабрь ойларида:

Ўзбекистон Республикаси Президентининг 53 та ҳужжатлари келиб тушган, шулардан жами: 153 та топшириқлар белгиланган бўлиб, ижроси белгиланган муддатидан аввал (100%) бажарилган. Натижаси бўйича ҳисоботлар Адлия вазирлиги ва Ҳисоб палатасига тақдим этилган.

Ўзбекистон Республикаси Вазирлар Маҳкамасининг 35 та ҳужжатлари келиб тушган, шулардан жами 35 та топшириқлар белгиланган бўлиб, ижроси белгиланган муддатидан аввал (100%) бажарилган. Натижаси бўйича ҳисоботлар Адлия вазирлигига тақдим этилган.

2026-йил январь ойида Инспекцияга Президент топшириқлари жами
4 та, шундан 1 та топшириқнинг ижроси таъминланиб назоратдан ечилган (25% ижроси таъминланган) ҳамда Вазирлар Маҳкамаси топшириқлари жами 1та белгиланган бўлиб, бугунги кунда 4 та топшириқ ижросини таъминлаш бўйича Инспекциянинг масъул раҳбарлари ва ходимлар кесимида (кунбай) календар-жадвал ва мазкур топшириқларни ўз вақтида ижросини таъминлашга қаратилган йўл хариталари тасдиқланган. Мазкур топшириқларнинг ижросини таъминлаш юзасидан зарур чоралар кўрилмоқда.

Шу билан бирга, Инспекцияга белгиланган назоратдаги топшириқлар ижроси юзасидан душанба куни Инспекция бошлиғи, жума куни инспекция бошлиғи ўринбосари ҳузурида, ҳар чоракда эса Умумий йиғилишда муҳокама қилиниб, ҳужжатларнинг ижросини ўз вақтида ва сифатли амалга ошириш бўйича марказий аппарат бўлим ва ҳудудий бошқама бошлиқларига тезкор амалий чоралар кўриш юзасидан масъул ходимларнинг шахсий жавобгарлиги кўрсатилган ҳолда тегишли кўрсатмалар  берилмоқда.