Call-марказ фаолияти: 2026-йилнинг I ярим йиллигида 984 та мурожаат қабул қилинди
2026-08-03 14:50:00 / Ҳисоботлар
Тоғ-кон саноати ва геология соҳасини назорат қилиш инспекциясида 2026-йилнинг I ярим йиллиги давомида фуқаролар ҳамда тадбиркорлик субъектларидан келиб тушган мурожаатларни тезкор кўриб чиқиш бўйича Ишонч телефони ва Call-марказ фаолияти сарҳисоб қилинди.
Олти ой давомида алоқа маркази орқали жами 984 та қўнғироқ қабул қилинган бўлиб, кунлик ўртача кўрсаткич 9 та мурожаатни ташкил этди. Мурожаат қилувчиларнинг кутиш вақтини қисқартириш ва тезкор алоқани таъминлаш натижасида оператор билан боғланишнинг ўртача вақти 45 секундни ташкил этди.
Тизимли ташкил этилган иш жараёни сабабли ўтказиб юборилган қўнғироқлар сони 0 тани ташкил этди, шунингдек, алоқа линияларида ҳеч қандай техник узилишлар кузатилмади. Барча мурожаатлар операторлар томонидан тўлиқ қамраб олинди ва белгиланган тартибда кўриб чиқилди.
Ушбу кўрсаткичлар назорат органининг жамоатчилик ва тадбиркорлар учун очиқлиги ҳамда тезкор қайта алоқа тизими самарали ишлаётганини кўрсатади. Фуқаролар мурожаатларини ўз вақтида ва сифатли қабул қилиш соҳада ҳуқуқбузарликларнинг олдини олишга ҳамда қонунийликни таъминлашга хизмат қилади.
Алоқа ва боғланиш маълумотлари
-
Ишонч телефони ва контактлар: +99871 203-17-77
-
Расмий веб-сайт: https://gov.uz/kongeotexnazorat
-
Электрон почта: info@kongeotexnazorat.uz
-
Манзил: 100164, Тошкент ш., Мирзо Улуғбек тумани, Олимлар кўчаси, 49а-уй
-
Жамоат транспорти: Олимлар бекати (Автобуслар: 14, 17, 63, 83, 96, 110, 129)
-
Иш тартиби: Дўшанба – Жума: 09:00 – 18:00 (Тушлик: 13:00 – 14:00). Дaм олиш кунлари: Шанба, Якшанба ва байрам кунлари.
-
Ижтимоий тармоқлар ва расмий каналлар:Veb-sayt | Telegram | Facebook | Instagram