Когон шаҳар Адолат маҳалласида истиқомат қилаётган фуқаро Нуриддин Музаффаров ижтимоий ҳимоя реестрида рўйхатда турган 4 нафар фуқароларнинг бандлигини таъминлаб, доимий даромадли қилиб келмоқда.
2026-09-15 10:50:00 / Янгиликлар
Нуриддин Музаффаров кичик қандолатчилик ва нонвойчилик корхонасининг иккинчи филиалини йўлга қўйди. "Тандор нон" масъулияти чекланган жамияти корхонаси ташкил қилиб, Адолат маҳалла фуқаролар йиғини ҳудудида бўш турган 40 метр кавадрат ер майдонини к-савдо орқали ютиб олиб енгил конструкциядан бино қурди. Ушбу лойиҳани ташкил этиш мақсадида 312-сонли қарор асосида Бизнесни ривожлантириш тижорат банкидан 2 йиллик муддатда 22 фоиздан 200 млн сўм миқдорида имтиёзли кредит олди. Қисқа муддат ичида тадбиркор қурилиш ишларини якунлаб, имтиёзли кредит маблағлари эвазига замонавий печлар, хамир қориш ускуналари, совутгич ва бошқа зарур жиҳозларни харид қилиб, миллий ширинликлар ва қандолатчилик фаолиятини йўлга қўйди.
Ҳозирги кунда тадбиркор Нуриддин Музаффаров томонидан аҳолига турли хил ширинликлар, пишириқлар, тортлар ҳамда қандолат маҳсулотларини тайёрлаб, маҳаллий бозорда ва буюртмалар асосида хизмат кўрсатиб келмоқда. Энг қувонарлиси Адолат маҳалла фуқоралар йиғини ижтимоий реестр рўйхатида турган 4 нафар фуқаронинг доимий бандлигини таъминлаб даромадли қилди.
Нуриддин Музаффаров келгусида ишлаб чиқариш ҳажмини янада ошириш, маҳсулот турларини кўпайтириш ва янги иш ўринлари яратишни мақсад қилган.
Когон шаҳар ҳокимлиги матбуот хизмати