Нуриддин Музаффаров маҳалладаги 20 нафар ишсиз фуқароларнинг бандлигини таъминлаб доимий даромадли қилиб келмоқда
2026-07-27 16:55:00 / Янгиликлар
Тадбиркорга Адолат маҳалласида фаолият юритувчи ҳоким ёрдамчиси Миршод Дилмуродов томонидан дастурлар доирасида Бизнесни ривожлантириш тижорат банкидан 3 йиллик 21 фоиздан 200 млн сўм миқдорида имтиёзли кредит ажратилган.
Имтиёзли кредит маблағлари эвазига замонавий печлар, хамир қориш ускуналари, совутгич ва бошқа зарур жиҳозларни харид қилиб, ишлаб чиқариш қуввати кенгайтирилди.
Бунинг натижасида ишлаб чиқариш ҳажми икки каррага ошди. Бундан ташқари К-Савдо орқали иш жойи кенгайтирилиши натижасида маҳсулотлар хилма-хиллиги кенгайди, хизматлар сифати янада яхшиланди ҳамда қўшимча иш ўринларини яратиш имконияти юзага келди.
Бугунги кунда тадбиркор ўз фаолиятини изчил ривожлантириб, Адолат маҳалласи иқтисодиётини ривожлантириш, аҳоли бандлигини таъминлаш ҳамда ёшларни касб-ҳунарга ўргатиш орқали уларнинг бандлигини оширишга муносиб ҳисса қўшиб келмоқда.
Когон шаҳар ҳокимлиги матбуот хизмати