Бухоро вилояти Когон шаҳар ҳокимлиги

Кўп ўтмай Шокир Бобомуродов аёли билан чет элдан қайтиб маҳаллага ташриф буюришди. Маҳалла еттилиги томонидан кўплаб таклифлар берилганда Шокир ака ва аёли тадбиркорлик қилиш истагини билдирган.

Азиза Абдураҳимова маҳалла хотин-қизлар фаоли томонидан “аёллар дафтари”нинг 2-тоифасига рўйҳатга олибниб тадбиркорликнинг гўзаллик салони фаолияти йўналишида ўқитиб, махсус сертификат олишда амалий ёрдам кўрсатилди.

Маҳалла биносининг рўппарасидаги 50 метр квадрат бўш турган ер майдони электрон аукцион савдога қўйилиб, Шокир ака ютиб олишга муваффақ бўлди. Чет элда ишлаб жамғарган пулларига енгил конструкциядан Шокир ака ўзига гўшт ва мевалар дўкони Азиза учун гўзаллик салони қурилди.

Фаолиятни бошлашда пул маблағи муаммо бўлганлиги сабаб маҳалладаги ҳоким ёрдамчисига мурожаат қилинди ва ҳоким ёрдамчисининг ижобий хулосаси билан ушбу оилага Халқ банки томонидан 50 миллион сўм 17,5 фоиздан 4 йиллик муддатда имтиёзли кредит ажратилди. Ажратилган маблағлар эвазига Шокир ака ўзининг гўшт дўконига керакли жиҳоз ва маҳсулотлар Азиза ҳам гўзаллик салони фаолияти учун махсус анжомларни сотиб олиб фаолият тўлиқ йўлга қўйилди. Ҳозирги кеча-кунда эр-хотин ёнма-ён дўконларда меҳнат қилиб, ойида 12 миллион сўм даромад топмоқда.

Тадбиркорликни янгидан бошлаётган фуқароларга яратилган шарт-шароит ва имкониятлар учун давлатимиз раҳбарига миннатдорчилик билдираман. Келгусида олинган имтиёзли кредитни қайтариб бўлгач яна 30 миллион сўм имтиёзли кредит олиб фаолиятимни кенгайтириш шунингдек, маҳалладаги 2-3 нафар ишсиз фуқароларни иш билан таъминлаш режам бор дейди – Шокир Бобомуродов.

Фуқарони ўз юртига қайтариб, маҳаллада тадбиркорлик фаолиятини бошлагани Мирзо Улуғбек маҳалла фуқаролар йиғини аҳолиси учун жуда ҳам айни муддао бўлди. Фуқароларимиз сарсон бўлиб бозорга бориб ўтиришмайди. Кундалик эҳтиёжи учун зарур бўлган гўшт ва меваларни Шокир аканинг дўконидан харид қилишмоқда. Бу ҳам фуқарларга қулай ҳам Шокир акага даромад дейди – Мирзо Улуғбек маҳалла фуқаролар йиғини раиси Рашид Туклиев.

Маълумот ўрнида ушбу маҳаллада 4300 нафар аҳоли, 1160 та хонадон мавжуд. 2026-йилнинг 6 ойи давомида 4 нафар фуқарога ўз тадбиркорлигини бошлаш мақсадида 143 миллион сўм имтиёзли кредит ажратилган. Маҳалланинг 68 нафар фуқаролари томонидан тадбиркорлик фаолияти олиб борилмоқда.

Жорий йилда маҳалла хотин-қизлар фаоли томонидан 120 нафар хотин-қизлар “аёллар дафтари”га киритилган бўлиб, ҳозирги кунда 87 нафар хотин-қизларга турли хилдаги ёрдам кўрсатилиб дафтардан чиқарилган. Қолган 33 нафар хотин-қизларнинг муаммолари қонун доирасида ижобий ҳал қилиниб йил якунига қадар дафтардан тўлиқ чиқарилади дейди – маҳалла хотин-қизлар фаоли Шахноза Хасанова.

Маҳалла еттилиги бир тану-бир жон бўлиб маҳалламиздаги барча фуқароларнинг фаровон ҳаёт кечириши, мавжуд муаммоларини ечишда белни маҳкам боғлаб беминнат хизмат қиламиз дейди - Мирзо Улуғбек маҳалла еттилиги.

Когон шаҳар ҳокимлиги матбуот хизмати