Ўзбекистон Республикаси Адлия вазирлиги ҳузуридаги Тўловга қобилиятсизлик ишлари агентлиги

✅27 август куни адлия вазири ўринбосари Музраф Икрамов Осиё тараққиёт банкининг Ҳуқуқ ва сиёсатни ислоҳ қилиш бўйича бош юридик маслаҳатчиси ёрдамчиси Кристина Пак билан учрашув ўтказди.

🤝 Мулоқотда Ўзбекистонда тўловга қобилиятсизлик тизимини янада такомиллаштириш, илғор халқаро тажрибани миллий амалиётга жорий этиш масалалари муҳокама қилинди.

Хусусан:

🔹 қонунчиликни халқаро стандартлар асосида такомиллаштириш ва лойиҳаларни хорижий экспертлар иштирокида кўриб чиқиш;

🔹 Тўловга қобилиятсизлик ишлари агентлиги ходимлари ҳамда суд бошқарувчиларининг малакасини ошириш, хорижий давлатларда ўқув дастурларини ташкил этиш;

🔹 соҳада рақамлаштириш жараёнларини жадаллаштириш;

🔹 тўловга қобилиятсизлик билан боғлиқ жараёнларни қамраб олувчи Ягона электрон платформани ишга тушириш масалаларига алоҳида эътибор қаратилди.

📌 Учрашув якунида томонлар мазкур йўналишдаги ислоҳотларни халқаро илғор тажриба асосида давом эттириш ва амалий ҳамкорликни кенгайтиришга тайёр эканини билдирди.