Expertise France ва AFD билан яшил давлат харидларини ривожлантириш бўйича устувор йўналишлар белгиланди
2026-07-01 14:05:00 / Янгиликлар
Учрашув давомида Ўзбекистонда яшил давлат харидларини ривожлантириш, ушбу йўналишда амалга оширилаётган ислоҳотлар ҳамда Агентлик ва Expertise France ўртасидаги ҳамкорликнинг устувор йўналишлари муҳокама қилинди.
🎤 Томонлар электрон давлат харидлари тизимини такомиллаштириш, яшил давлат харидларини амалиётга босқичма-босқич жорий этиш, давлат буюртмачилари ва етказиб берувчиларнинг салоҳиятини ошириш ҳамда халқаро тажрибани миллий тизимга татбиқ этиш масалалари юзасидан фикр алмашдилар.
✍️ Шунингдек, учрашувда Агентлик ва Expertise France ўртасидаги 10 ойлик қўшма иш режасининг устувор йўналишлари муҳокама қилинди. Унда яшил давлат харидларини босқичма-босқич жорий этиш, устувор маҳсулотлар бўйича пилот тендерларни ўтказиш, электрон давлат харидлари тизимини янада такомиллаштириш, электрон етказиб берувчиларни баҳолаш механизмларини ривожлантириш, давлат буюртмачилари ва етказиб берувчиларнинг малакасини ошириш ҳамда халқаро тажрибани миллий тизимга татбиқ этиш бўйича аниқ чора-тадбирлар белгиланди.
Мазкур иш режаси Ўзбекистон Республикаси Президентининг 2026 йил 6 февралдаги қарори билан Агентлик зиммасига юклатилган вазифаларни амалий жиҳатдан қўллаб-қувватлашга қаратилган.
🤝 Учрашув якунида томонлар белгиланган устувор вазифаларни биргаликда амалга ошириш ҳамда ўзаро ҳамкорликни изчил давом эттириш юзасидан келишувга эришдилар.