Саноат кооперацияси ва давлат харидлари агентлиги

Учрашувда лифт саноатини ривожлантириш, технологиялар трансфери ва малакали кадрлар тайёрлаш йўналишлари муҳокама қилинди. Хусусан, ихтисослаштирилган ўқув марказини ташкил этиш, лифт бошқарув панелларини маҳаллий йиғиш линиясини йўлга қўйиш, “Train the Trainer” дастурини амалга ошириш, шунингдек, икки мамлакат ўртасида стажировка ва сертификатлаш дастурларини жорий этиш масалалари кўриб чиқилди.

❗️Нима учун бу муҳим?

Ўзбекистонда лифтларга бўлган талаб ишлаб чиқариш суръатларидан тезроқ ўсмоқда. 2025 йилда бозорга 3 009 та лифт таклиф этилган бўлса, фақат янги кўп қаватли уй-жойлар учун йиллик эҳтиёж 5 000 тадан ортиқни ташкил этади. Мутасаддилар фикрича, ушбу тафовут келгуси йилларда янада ортиши мумкин.

✅ Учрашув якунида икки муҳим ҳужжат имзоланди:

— Агентлик ва Korea Elevator University ўртасида ҳамкорлик меморандуми;
— Агентлик ва Korea Elevator Safety Foundation ўртасида ҳамкорлик меморандуми.

✔️ Меморандумлар 3 йил муддатга тузилди ва лифт саноатида маҳаллий ишлаб чиқаришни кенгайтириш, кадрлар тайёрлаш ҳамда технологиялар трансферини жадаллаштириш бўйича ҳамкорликнинг институционал асосини белгилаб берди.