Қашқадарё вилояти Фавқулодда вазиятлар бошқармаси

Бошқарма бошлиғи обект фаолияти билан танишди Полковник Ф. Мирзаев "Шўртан нефт ва газ қазиб чиқариш бошқармаси"га ташрифи давомида корхонанинг муҳим ишлаб чиқариш обектлари фаолиятини кўздан кечирди. Жараёнда "Нефт маҳсулотларини қуйиш-жўнатиш цехи"нинг кузатувчилар хонасида бўлиб, обектнинг ёнғинга қарши ички сув таъминоти тизимининг созлиги ўрганилди. Шунингдек, ишчи-хизматчиларнинг фавқулодда вазиятларга қай даражада тайёрликлари юзасидан суббатлашди. Бундан ташқари, технологик жараёнлар устидан олиб борилаётган назорат, хавфсизлик тизимларининг ишлаш ҳолати ҳамда фавқулодда вазиятларнинг олдини олиш бўйича амалга оширилаётган чора-тадбирлар ўрганилди. Якунда масъулларга ёнғин ва саноат хавфсизлиги талабларига риоя этиш, ишчи-хизматчиларнинг фавқулодда вазиятларга шайлигини мунтазам ошириб бориш юзасидан тегишли тавсиялар берилди.