Андижон вилояти Фавқулодда вазиятлар бошқармаси хотин-қизлари томонидан маънавий-маърифий тадбирлар доирасида Андижон вилояти тарихи ва маданияти давлат музейига ташриф ташкил этилди.
2026-05-29 08:10:00 / Янгиликлар
Ташриф давомида иштирокчилар музей экспозициялари билан яқиндан танишиб, қадимий даврларга оид ноёб экспонатлар, археологик топилмалар ҳамда миллий мерос намуналарини катта қизиқиш билан кўздан кечирдилар.
Шунингдек, музейда юртимиз тарихи, аждодларимиз қолдирган бой маънавий мерос ҳамда асрлар давомида шаклланган миллий қадриятлар ҳақида батафсил маълумотлар берилди.
Мазкур тадбир хотин-қизларнинг маънавий дунёқарашини бойитиш ҳамда тарихий меросга бўлган ҳурмат ва эътиборни мустаҳкамлашга хизмат қилди.
Музей бўйлаб ташкил этилган саёҳат иштирокчиларда катта таассурот қолдирди.