“Долзарб 30 кун” ойлиги доирасида ёниш ва портлаш хавфи юқори бўлган обйектларда профилактик тадбирлар амалга оширилмоқда.
2026-05-08 11:45:00 / Янгиликлар
Жумладан, соҳа мутахассислари томонидан автомобилларга сиқилган газ тўлдириш компрессор шаҳобчаларида кенг қамровли ўрганиш ва тушунтириш ишлари олиб борилди. Тадбир давомида мазкур обйектларда ёнғин хавфсизлиги қоидаларига риоя этилиши, техник жиҳозларнинг соз ва шай ҳолатда эканлиги, бирламчи ёнғин ўчириш воситаларининг мавжудлиги ҳамда хавфсизлик белгиларининг ўрнатилганлиги атрофлича ўрганилди.
Шунингдек, масъул ходимлар ва ишчи-персоналлар билан профилактик суҳбатлар ўтказилиб, фавқулодда ҳолатларнинг олдини олиш, газ ускуналаридан хавфсиз фойдаланиш, ёнғин содир бўлганда тўғри ҳаракат қилиш ҳамда тезкор хизматларга ўз вақтида мурожаат этиш тартиблари юзасидан тавсиялар берилди.
Мутахассислар томонидан обйектларда техника хавфсизлиги қоидаларига қатъий амал қилиш, электр ва газ жиҳозларини мунтазам назоратдан ўтказиш ҳамда хавфсизлик талабларига бепарво бўлмаслик зарурлиги алоҳида таъкидланди.