Фарғона туманида “Болаларни тазйиқ ва зўравонликдан асраш” мавзусида давра сухбати ўтказилди
2025-09-25 08:00:00 / Янгиликлар
Фарғона туманидаги “Саткак” маҳалла фуқаролар йиғини ҳудудида жойлашган 29-сонли умумий ўрта таълим мактабида ўқувчилар ва уларнинг ота-оналари иштирокида “Болаларни тазйиқ ва зўравонликдан асраш” шиори остида давра сухбати ташкил этилди.
Тадбир давомида мутахассислар томонидан болалар хавфсизлигини таъминлаш, уларни руҳий ва жисмоний зўравонликдан ҳимоя қилиш, оилада соғлом муҳитни шакллантириш, ота-оналарнинг масъулияти ҳамда фарзандлар билан тўғри мулоқот ўрнатишнинг аҳамияти ҳақида тушунтиришлар берилди.
Шунингдек, ота-оналарга фарзандларнинг ҳуқуқлари, уларни ҳимоя қилиш бўйича қонунчиликдаги асосий меъёрлар, зўравонлик ҳолатларининг олдини олиш чоралари ва бундай вазиятларда мурожаат қилиниши лозим бўлган мутасадди ташкилотлар ҳақида маълумотлар етказилди.
Ушбу учрашув болаларда хавфсиз ва соғлом тарбия муҳитини яратиш, ота-оналарнинг ҳуқуқий ва психологик саводхонлигини оширишга қаратилди.