“Миллий қадриятлар – қадрланган юрт” шиори остида дарс
2025-09-13 15:05:00 / Янгиликлар
Фарғона тумани Мактабгача ва мактаб таълим бўлими тасарруфидаги 20-умумий ўрта таълим мактабида “Миллий қадриятлар – қадрланган юрт” шиори остида маънавий-маърифий дарс ташкил этилди. Тадбирда 4-“А” синф ўқувчилари фаол иштирок этдилар.
Машғулот давомида ўқувчиларга миллий қадриятларнинг мазмун-моҳияти, уларнинг халқимиз тарихи, урф-одат ва анъаналари билан узвий боғлиқлиги ҳақида тушунчалар берилди.
Шунингдек, миллий либослар, халқ оғзаки ижоди, оилавий қадриятлар ва аждодлар меросини асраб-авайлашнинг аҳамияти таъкидланди.
Дарснинг асосий мақсади – ёш авлод қалбида миллий ғурур ва ифтихор туйғусини шакллантириш, уларни ўз халқи маданиятига ҳурмат руҳида тарбиялашдир.
Бундай ташаббуслар ёшларни баркамол инсон қилиб вояга етказиш, уларни миллий ва умуминсоний қадриятлар асосида тарбиялашда муҳим омил бўлиб хизмат қилади.