Ёшлар бандлиги ва соғлом турмуш тарзи йўлида навбатдаги ташаббус
2025-07-30 13:00:00 / Янгиликлар
Фарғона тумани 24-умумий ўрта таълим мактабида “Долзарб 90 кун” тадбири доирасида ёшлар иштирокида бир қатор соғломлаштириш ва ижодий фаолиятлар амалга оширилди.
Эрталабки бадантарбия машқлари билан бошланган тадбирлар давомида ўқувчиларнинг спортга бўлган қизиқишини ошириш мақсадида волейбол мусобақаси ўтказилди. Мусобақа дўстона ва фаол муҳитда ўтиб, ёшлар орасида соғлом рақобат кайфиятини шакллантирди.
Шунингдек, ўқувчиларнинг ёзги таътил даврини мазмунли ташкил этиш, уларнинг ижодий ва интеллектуал салоҳиятини ривожлантириш мақсадида “Тикувчилик” ва “Ментал арифметика” тўгараклари фаолият олиб борди.
Мазкур тадбирлар ёш авлодни жисмонан соғлом, ақлан етук этиб вояга етказиш, бўш вақтларини самарали ташкил этиш борасида муҳим аҳамият касб этмоқда.