"Бўстон" маҳалласида Халқлар дўстлиги куни байрами ўтказилди
2025-07-28 18:00:00 / Янгиликлар
Фарғона тумани “Бўстон” маҳалла фуқаролар йиғини ҳудудида “Халқлар дўстлиги” куни муносабати билан тантанали байрам тадбири ташкил этилди.
Байрамда маҳалла фаоллари, фахрийлар, ёшлар ҳамда турли миллат вакиллари фаол иштирок этди. Тадбир дастурида миллий куй-қўшиқлар, фолклор жамоаларнинг жонли чиқишлари, болажонлар иштирокидаги саҳна кўринишлари, маданий ва кўнгилочар дастурлар намойиш этилди.
Тадбир якунида иштирокчиларга китоблар совға қилинди, болалар ва катталар учун қизиқарли ўйинлар ташкил этилди. Тантанали байрам дўстлик, аҳиллик ва бағрикенглик руҳида юқори кайфиятда ўтди.