Ўзбекистон Республикаси Президентининг «Маҳалла бошқарувини самарали ташкил этишга оид қўшимча чора-тадбирлар тўғрисида»ги Фармони ижроси юзасидан амалга оширилган ишлар тўғрисида
2026-11-16 09:00:00 / Янгиликлар

Ўзбекистон Республикаси Бош вазирининг 2026 йил 17 июлдаги 65-сон баёни ҳамда Ўзбекистон маҳаллалари уюшмаси раисининг 2026 йил 21 июлдаги 74-б-сон буйруғи ижросини таъминлаш мақсадида тумандаги маҳаллаларда «Маҳаллада ободлик ва меҳр-саховат ойлиги» эълон қилинди.
Тумандаги 71 та маҳаллада мавжуд 502 та кўча «Маҳалла еттилиги» аъзолари ўртасида тақсимланиб, ҳар бир кўчага масъуллар бириктирилди. Бундан ташқари, туман ҳокими ташаббуси билан 17 та йўналиш бўйича жами 71 нафар масъул ходим маҳаллаларга бириктирилди. Натижада ҳудудларда кундалик назорат тизими йўлга қўйилиб, ободонлаштириш ишлари манзилли равишда ташкил этилмоқда.
2026 йил 1 август ҳолатига тумандаги жами 49 294 та хонадон ўрганилиб, «Долзарб 40 кунлик» доирасида 9 966 та таъмирталаб хонадон аниқланган. Шундан 9 826 тасини хонадон эгалари, 140 тасини эса маҳалла кўмагида таъмирлаш белгиланган. Мазкур ишларни амалга ошириш учун жами 13,4 млрд сўм маблағ режалаштирилган.
Ҳисобот даврида 9 689 та хонадонда ободонлаштириш ва таъмирлаш ишлари бажарилди. Шундан 9 549 таси хонадон эгалари, 140 таси эса маҳалла кўмагида амалга оширилди. Ушбу ишларга жами 13 млрд 388 млн 68 минг сўм маблағ сарфланди.
Амалга оширилган ишлар натижасида 539 та хонадоннинг том қисми, 1 900 тасининг фасади, 1 403 та ошхона, 1 641 та ҳожатхона, 907 та ювиниш хонаси, 1 260 та тандирхона ҳамда 640 та молхона таъмирланди. Шунингдек, 381 та дераза ромлари алмаштирилди, 18 670 та хонадон атрофи ободонлаштирилди, 687 та томорқа тартибга келтирилди, 64 та кириш йўлаги тозаланди, 54 та кўп қаватли уйнинг фасади ободонлаштирилди. Бундан ташқари, 14 080 туп дарахтга шакл берилиб, оқланди.
Ҳудудларни ободонлаштириш ишлари доирасида 90,4 км ариқ ва лоток тозаланди, 12 та кўчанинг 2,4 км қисми асфальтлаштирилди, 3 та кўчанинг 1,3 км қисми бетонлаштирилди, 1 та кўчанинг 500 метр қисмига шағал ётқизилди. Шунингдек, 636 та ташқи ёритиш устуни ўрнатилди, 25 та болалар ва спорт майдончаси таъмирланди ҳамда 11 та пиёдалар йўлагининг жами 3 км қисми барпо этилди.
Кўкаламзорлаштириш ишлари доирасида 7 389 туп дарахтга шакл берилди, 7 379 туп дарахт оқланди ҳамда 92 794 туп гул кўчати экилди.
Ушбу йўналишдаги ишларга жами 1 млрд 109 млн 329 минг сўм маблағ сарфланди. Шундан 834 млн 484 минг сўми маҳаллий бюджет, 274 млн 845 минг сўми ҳомийлик маблағлари ҳисобидан молиялаштирилди.
Шунингдек, тумандаги мавжуд 101 та қабристонда ободонлаштириш ишларини ташкил этиш режалаштирилган. Шундан 96 таси фаолият кўрсатаётган, 5 таси эса фаолият кўрсатмаётган қабристон ҳисобланади.
Мазкур режа доирасида қабристонлар ҳудудларини ободонлаштириш, санитария ҳолатини яхшилаш, ички йўлакларни тартибга келтириш, ариқ ва зовурларни тозалаш, дарахтларга шакл бериш ва уларни оқлаш, девор ҳамда панжараларни таъмирлаш, хонақоҳларни тартибга келтириш, қабрларни обод қилиш ва дезинфекция ишларини амалга ошириш белгиланган.
Жумладан, 75,3 гектар ҳудудни ободонлаштириш, 84 та хонақоҳни тартибга келтириш, 4 км девор ва панжараларни таъмирлаш, 120,3 км ариқ ва зовурларни тозалаш, 11 306 туп дарахтга шакл бериш ва уларни оқлаш, 2 км ички йўлакларни таъмирлаш, 11 191 та қабрни тартибга келтириш ҳамда 35 та қабристонда дезинфекция ишларини ўтказиш режалаштирилган.
Мазкур тадбирларни амалга ошириш учун жами 910 млн 580 минг сўм маблағ йўналтирилиши белгиланган бўлиб, ушбу маблағ тўлиқ ҳомийлик маблағлари ҳисобидан молиялаштирилган.
«Маҳаллада ободлик ва меҳр-саховат ойлиги» доирасида амалга оширилаётган тадбирлар маҳаллалар инфратузилмасини яхшилаш, хонадонларни обод қилиш, аҳоли учун қулай яшаш шароитларини яратиш, ижтимоий ҳимояга муҳтож оилаларни қўллаб-қувватлаш, шунингдек, ҳудудларнинг санитария ва экологик ҳолатини янада яхшилашга хизмат қилмоқда.
