Умумтаълим мактабларида фавқулодда вазиятларга тайёргарлик машғулотлари ўтказилмоқда
2026-10-23 13:30:00 / Янгиликлар
Фарғона тумани Фавқулодда вазиятлар бўлими ходимлари томонидан тумандаги умумтаълим мактабларида зилзила ва бошқа табиий офатлар вақтида тўғри ҳаракат қилиш бўйича профилактик тадбирлар ҳамда амалий машғулотлар ташкил этилмоқда.
Машғулотлар давомида ўқувчилар ва педагог ходимларга зилзила вақтида саросимага тушмаслик, бинодан хавфсиз чиқиш, эвакуация йўналишлари бўйлаб ҳаракатланиш ҳамда хавфсиз ҳудудга йиғилиш тартиблари тушунтирилди.
Шунингдек, фавқулодда вазиятларда хавфсизлик қоидаларига риоя қилиш ва жабрланганларга биринчи ёрдам кўрсатиш бўйича зарур тавсиялар берилди.