Янги йўл маҳалласида тадбиркорлик фаолияти ўрганилди
2026-10-05 21:05:00 / Янгиликлар
Халқ депутатлари Фарғона туман Кенгаши депутатлари Ф. Омонова ҳамда И. Абдураҳмонов томонидан Янги йўл маҳалласида фаолият юритаётган тадбиркорлик субъектлари ва амалга оширилаётган лойиҳалар ўрганилди.
Ўрганиш давомида маҳаллада алюмин эшик ва ромлар ишлаб чиқариш фаолиятини йўлга қўйган тадбиркор билан учрашилиб, ишлаб чиқариш жараёни ва тадбиркорнинг фаолияти билан яқиндан танишилди.
Маълум бўлишича, тадбиркор ўз фаолиятини йўлга қўйиш учун кредит маблағларидан фойдаланган. Бугунги кунда ишлаб чиқариш фаолияти барқарор йўлга қўйилиб, тадбиркорлик фаолиятини янада ривожлантириш учун имкониятлар яратилмоқда.
Ўрганиш давомида тадбиркорнинг фаолиятини кенгайтириш, мавжуд имкониятлардан самарали фойдаланиш ҳамда келгусидаги режаларини амалга ошириш масалаларига ҳам эътибор қаратилди.