Шоҳимардон ва Сўхга ўтишдаги чегара ўтказиш пунктлари халқаро мақомга эга бўлди
2026-07-30 21:35:00 / Янгиликлар
Ўзбек-қирғиз чегарасидаги ўтказиш пунктлари сони 30 тага етказилади. Бу ҳақда Қирғизистон Президенти Садир Жапаров Иссиқкўлдаги «Рух-Ордо» маданият марказида Ўзбекистон Президенти Шавкат Мирзиёев билан ўтказилган музокаралар чоғида маълум қилди.
Қирғизистон Президенти таъкидлашича, ўтказиш пунктлари сонини 15 тадан 30 тагача кўпайтириш бўйича келишувлар имзоланган. Мазкур қарор фуқароларга эркин саёҳат қилиш, тадбиркорлик фаолиятини юритиш, таълим олиш ва дам олиш имкониятларини янада кенгайтиради.
2026 йил 30 июль куни бўлиб ўтган олий даражадаги музокаралар якунида Ўзбекистон Президенти Шавкат Мирзиёев ва Қирғизистон Президенти Садир Жапаров Иттифоқчилик муносабатлари тўғрисидаги шартномани имзоладилар.
Шунингдек, давлат чегараси орқали ўтказиш пунктлари тўғрисидаги ҳукуматлараро битимга ўзгартиш ва қўшимчалар киритишни назарда тутувчи баённома ҳам имзоланди. Мазкур ҳужжатга мувофиқ, жумладан, Шоҳимардон ва Сўх йўналишидаги чегара ўтказиш пунктларига халқаро мақом берилди.