Мурожаатлар ижроси ва муҳим тадбирларга тайёргарлик масалалари муҳокама қилинди
2026-07-14 11:05:00 / Мажлислар
Фарғона тумани ҳокими Нодиржон Машрапов раислигида ҳокимлик аппарати ходимлари, тумандаги корхона, ташкилот ва муассасалар раҳбарлари иштирокида йиғилиш ўтказилди.
Йиғилишда жорий йилнинг олти ойи якунлари бўйича фуқаролар мурожаатлари билан ишлаш ҳолати танқидий-таҳлилий асосда кўриб чиқилиб, мурожаатларни ўз вақтида ва сифатли ижро этиш, ижро интизомини мустаҳкамлаш ҳамда мавжуд камчиликларни бартараф этиш юзасидан масъулларга тегишли топшириқлар берилди.
Шунингдек, Ўзбекистон Республикаси Мустақиллигининг 35 йиллиги ҳамда Фарғона тумани ташкил топганининг 100 йиллиги муносабати билан ўтказиладиган тадбирларга пухта тайёргарлик кўриш, уларни юксак савияда ташкил этиш ва байрам дастурларини мазмунли ўтказиш масалалари муҳокама қилинди.
Йиғилиш якунида белгиланган вазифаларнинг ўз вақтида ва сифатли ижросини таъминлаш юзасидан масъул раҳбарларга аниқ топшириқлар берилди.