"Ёшлар куни" муносабати билан Фарғона туманида фаол ёшлар етакчилари тақдирланди
2026-06-30 23:25:00 / Янгиликлар
“Ёшлар куни” муносабати билан Фарғона тумани ҳудудида фаолият олиб бораётган ёшлар етакчиларини рағбатлантиришга бағишланган тантанали тадбир бўлиб ўтди.
Тадбирда Фарғона тумани ҳокими Нодиржон Машрапов, туман прокурори Ойбек Тошпўлатов, Ички ишлар бўлими бошлиғи Муроджон Қундузов, Давлат солиқ инспекцияси бошлиғи Ихтиёржон Султонов, ҳоким ўринбосарлари, Ёшлар ишлари бўлими масъуллари ҳамда маҳаллалардаги ёшлар етакчилари иштирок этдилар.
2026 йилнинг биринчи ярим йиллиги давомида фаолияти самарали деб топилган ёшлар етакчилари туман ҳокимлиги ҳамда Ёшлар ишлари бўлими томонидан фахрий ёрлиқлар, эсдалик совғалари ва ташаккурномалар билан тақдирландилар.
Тадбир давомида ёшларнинг ижтимоий фаоллигини ошириш, уларни қўллаб-қувватлаш ва янада рағбатлантириш бўйича тегишли тавсиялар берилди. Байрамона руҳда ўтган маросим иштирокчиларга катта мотивация ва келгусидаги фаолиятлари учун янги куч-ғайрат бағишлади.