Маҳаллаларда тадбиркорликни ривожлантириш ва бандликни таъминлаш масалалари муҳокама қилинди
2026-06-30 20:00:00 / Мажлислар
Фарғона тумани ҳокими Нодиржон Машрапов бошчилигида маҳалла фуқаролар йиғинида тадбиркорликни ривожлантириш, аҳоли бандлигини таъминлаш ҳамда камбағалликни қисқартириш масалаларига бағишланган йиғилиш ўтказилди.
Йиғилиш давомида ҳоким ёрдамчилари томонидан ҳар бир маҳалланинг иқтисодий салоҳияти ва драйвер йўналишларидан келиб чиқиб, тадбиркорликни ривожлантириш, янги иш ўринларини яратиш, аҳоли бандлигини таъминлаш ҳамда фуқаролар даромадларини оширишга қаратилган лойиҳалар ва амалий таклифлар юзасидан тақдимотлар қилинди.
Шунингдек, маҳаллаларда мавжуд имкониятлардан самарали фойдаланиш, оилавий тадбиркорликни қўллаб-қувватлаш, инвестиция лойиҳаларини кенгайтириш ҳамда камбағалликни қисқартириш дастурлари ижросини жадаллаштириш масалалари атрофлича муҳокама қилинди.
Йиғилиш якунида тақдим этилган таклиф ва лойиҳаларни амалиётга татбиқ этиш, маҳаллаларнинг иқтисодий драйверларини тўлиқ ишга солиш, аҳоли бандлиги ва даромадларини ошириш бўйича масъулларга аниқ вазифалар ҳамда тегишли топшириқлар берилди.