Фарғона туманида пиллачилик орқали ижтимоий қўллаб-қувватлашга қаратилган янги ташаббус йўлга қўйилди
2026-04-25 21:05:00 / Янгиликлар
Ўзбекистон Республикаси Президентининг 2026-йил 6-мартдаги ПҚ-87-сон қарори ижросини таъминлаш мақсадида Фарғона туманининг “Лоғон” маҳалла фуқаролар йиғинида инновацион ёндашув асосида янги ташаббус амалга оширилмоқда.
Маҳалла ҳоким ёрдамчиси ташаббуси билан еттилик ходимлари ҳамкорлигида маҳалла фуқаролар йиғини биносидаги бўш турган омборхоналар самарали фойдаланишга жалб этилиб, шартнома асосида 2 қути ипак қурти олиб келиниб парваришлаш ишлари йўлга қўйилди. Ушбу ташаббус мавжуд имкониятлардан оқилона фойдаланиш орқали қўшимча даромад манбаларини яратишга қаратилган.
Мазкур фаолиятдан олинадиган даромад ҳудуддаги аҳолига намуна бўлиши билан бирга, камбағал оилаларни қўллаб-қувватлаш, уларни озиқ-овқат маҳсулотлари билан таъминлаш ҳамда ижтимоий ёрдам кўрсатиш мақсадида йўналтирилиши режалаштирилган.
Таъкидлаш жоизки, ушбу лойиҳа маҳалла даражасида илгари сурилган янги ва самарали ташаббуслардан бири бўлиб, унинг амалий ижросини таъминлашда туман ҳокимлиги, ҳудуд имомлари, оқсоқоллар, отинойилар ҳамда тегишли ташкилотлар раҳбарлари томонидан зарур кўмак ва амалий ёрдам кўрсатилмоқда.