Фарғона туманида “Ёшлар куни” доирасида битирувчилар билан очиқ мулоқот ўтказилди
2026-04-24 15:05:00 / Очиқ мулоқотлар
“Ёшлар куни” муносабати билан “Инсон” ижтимоий хизматлар маркази ташаббуси билан Фарғона имконияти чекланганлар учун ихтисослаштирилган махсус техникум битирувчилари билан учрашув ташкил этилди.
Учрашув давомида “Инсон” ижтимоий хизматлар маркази директори Умиджон Юлдашев томонидан ёшларнинг муаммоларини ўрганиш, уларнинг қизиқишлари, таълим олиш жараёнлари ҳамда бандликка йўналтириш масалаларига алоҳида эътибор қаратилди.
Шунингдек, ёшларни ижтимоий қўллаб-қувватлаш, уларни касб-ҳунарга йўналтириш ва жамият ҳаётида фаол иштирокини таъминлаш борасидаги устувор вазифалар юзасидан фикр алмашилди.
Тадбир очиқ мулоқот шаклида ташкил этилди ва унда битирувчиларнинг қизиқишлари, касб-ҳунар эгаллаш, иш билан таъминлаш ҳамда бошқа долзарб масалалари тингланди. Мутахассислар томонидан билдирилган мурожаатлар юзасидан зарур тавсиялар берилди ҳамда тегишли йўналишларда амалий кўмак кўрсатиш масалалари муҳокама қилинди.