Фарғона туманлик ёш спортчи Жаҳон чемпионатига йўлланмани қўлга киритди
2026-04-23 18:00:00 / Янгиликлар
Фарғона тумани 2-ИДУМИ 11-синф ўқувчиси Аҳмаджонов Исломжон Илҳомжон ўғли Хоразм вилоятида ўтказилган спортнинг белбоғли кураш тури бўйича Ўзбекистон чемпионатида муносиб иштирок этиб, фахрли 2-ўринни эгаллади.
Мазкур натижа орқали ёш спортчи Фарғона шаҳрида бўлиб ўтадиган Жаҳон чемпионатида иштирок этиш йўлланмасини қўлга киритди.
Бу ютуқ ёшлар ўртасида спортни кенг тарғиб этиш, уларнинг жисмоний салоҳиятини ошириш ва соғлом турмуш тарзини шакллантириш борасида олиб борилаётган изчил ишлар натижасидир.
Фарғона тумани ҳокимлиги, Халқ депутатлари туман Кенгаши ҳамда кенг жамоатчилик номидан Аҳмаджонов Исломжон Илҳомжон ўғлини ушбу улкан муваффақият билан самимий муборакбод этиб, келгуси мусобақаларда ҳам юксак натижалар ва зафарлар тилаймиз.