Фарғона туманида чорвачиликда ветеринария-санитария ва эпизоотик барқарорликни таъминлашга қаратилган семинар бўлиб ўтди
2026-04-22 20:45:00 / Янгиликлар
“Чорвачиликда ветеринария-санитария ва эпизоотия-гигиена ойлиги” доирасида навбатдаги амалий семинар “Волида” фермер хўжалигида ўтказилди.
Мазкур семинарда вилоят ветеринария ва чорвачиликни ривожлантириш бошқармаси бошлиғи А. Абдусамиев, Фарғона тумани ветеринария ва чорвачиликни ривожлантириш бўлими бошлиғи Ж. Турдалиев, Фарғона ва Қувасой шаҳар ветеринария ва чорвачиликни ривожлантириш бўлими бошлиқлари ҳамда чорвачиликка ихтисослашган фермер хўжаликлари раҳбарлари иштирок этди.
Семинар давомида чорва молларини парваришлашда ветеринария-санитария қоидаларига амал қилиш, касалликларни эрта аниқлаш, профилактика тадбирларини кучайтириш ҳамда эпизоотик осойишталикни таъминлаш масалалари атрофлича муҳокама қилинди.
Шунингдек, Фарғона туман ветеринария ва чорвачиликни ривожлантириш бўлимига дезинфекция ишлари учун мўлжалланган махсус автотранспорт воситаси топширилди. Мутахассислар томонидан эмлаш, дезинфекция тадбирларини тизимли йўлга қўйиш, хўжаликларда зоогигиена талабларини жорий этиш бўйича амалий тавсиялар берилди. Тадбир якунида иштирокчилар ўзларини қизиқтирган саволларга мутахассислар томонидан батафсил жавоблар олдилар.
Ушбу семинар чорвачиликка ихтисослашган фермер хўжаликларида парвариш қилинаётган барча турдаги чорва ҳайвонлари ўртасида эпизоотик барқарорликни таъминлашга хизмат қилади.