Фарғона туманида электр тармоқлари модернизацияси доирасида трансформатор пункти мукаммал таъмирланди
2026-04-20 16:30:00 / Янгиликлар
Фарғона ҳудудий электр тармоқлари корхонаси АЖ томонидан жорий йил бошида тасдиқланган режага мувофиқ ҳудудларда электр таъминоти инфратузилмасини яхшилашга қаратилган кенг кўламли ишлар изчил амалга оширилмоқда.
Мазкур режага асосан, Фарғона туман электр таъминоти корхонаси томонидан туманнинг “Қўрғонтепа” маҳалла фуқаролар йиғини ҳудудида жойлашган 1514-сонли трансформатор пунктида мукаммал таъмирлаш ишлари бажарилди.
Таъмирлаш жараёнида мутахассислар томонидан трансформатор пункти тўлиқ қайта монтаж қилиниб, замонавий техник талабларга мос ҳолатга келтирилди. Шунингдек, электр тармоқларида барқарорликни таъминлаш мақсадида фазалараро юклама тенг тақсимланди.
Таъкидлаш жоизки, бу каби таъмирлаш ва модернизация ишлари туманнинг бошқа ҳудудларида ҳам изчил давом эттирилмоқда.