Фарғона туманида туристик-рекрацион зонани ривожлантириш масалаларига бағишланган матбуот анжумани ўтказилди
2026-04-13 20:05:00 / Мажлислар
Фарғона тумани ҳокимлигида туман ҳокимининг ўринбосари Акбаржон Ахроров бошчилигида “Фарғона” туристик-рекрацион зонаси дирекцияси ҳамда “Silk Road” International University of Tourism and Cultural Heritage ҳамкорлигида Ўзбекистон Республикаси Президентининг 2026-йил 12-январдаги PQ-5-сонли “Фарғона” туристик-рекрацион зонасини ташкил этиш чора-тадбирлари тўғрисидаги қарори ижросига бағишланган матбуот анжумани ўтказилди.
Мазкур тадбир ҳудудда туризм соҳасини жадал ривожлантириш, инвестицион жозибадорликни ошириш ҳамда мавжуд табиий ва маданий салоҳиятдан самарали фойдаланиш масалаларини кенг жамоатчиликка етказиш мақсадида ташкил этилди.
Анжуман давомида қарорнинг мазмун-моҳияти, унинг ҳудуд иқтисодиёти ва туризм инфратузилмасини ривожлантиришдаги стратегик аҳамияти иштирокчиларга батафсил тушунтирилди.
Шунингдек, дирекция масъуллари томонидан туристик-рекрацион зонани ташкил этиш доирасида амалга оширилиши режалаштирилган инфратузилма лойиҳалари, хизмат кўрсатиш тизимини такомиллаштириш, замонавий туризм объектларини барпо этиш ҳамда ҳудуднинг инвестицион салоҳиятини кенгайтириш йўналишлари юзасидан маълумотлар тақдим этилди.
Тадбир давомида иштирокчилар томонидан берилган саволларга мутахассислар томонидан атрофлича ва асосли жавоблар берилди. Очиқ мулоқот шаклида ўтган анжуманда туризм соҳасини ривожлантиришга оид долзарб масалалар юзасидан фикр алмашилди.