Фарғона туманида “Яшил макон” ва “Яшил белбоғ” лойиҳалари изчил амалга оширилмоқда
2026-03-25 22:15:00 / Янгиликлар
Фарғона туманида “Дўстлик” ва “Юқори Арча” маҳаллалари ҳудудидаги 105 гектар майдондаги қир-адирликларда “Яшил макон” умуммиллий лойиҳаси ҳамда “Яшил белбоғ” лойиҳалари доирасида дарахт кўчатлари экиш ва томчилатиб суғориш тизимини жорий этиш ишлари босқичма-босқич амалга оширилмоқда.
Хусусан, бугун Фарғона тумани ҳокимлиги, Ободонлаштириш бошқармаси ҳамда Экология бўлимлари ҳамкорлигида ушбу ҳудуднинг 7 гектар қисмида кенг кўламли кўкаламзорлаштириш ишлари олиб борилди. Жараёнда 1500 тупдан ортиқ манзарали дарахт кўчатлари экилиб, уларни парваришлаш мақсадида суғориш ишлари ташкил этилди.
Мазкур лойиҳалар ҳудуднинг экологик муҳитини яхшилаш, қир-адирлик ерларда яшил ҳудудларни кенгайтириш ҳамда келажак авлод учун соғлом атроф-муҳит яратишга хизмат қилмоқда.