Фарғона туманида “Ёшлар орасида гиёҳвандликка қарши кураш” ойлиги доирасида тарғибот тадбири ўтказилди
2026-02-20 15:15:00 / Янгиликлар
Ўзбекистон Республикаси Президентининг 2024-йил 6-майдаги PF-73-сон ва 2025-йил 3-ноябрдаги PF-207-сон Фармонлари, шунингдек Ички ишлар вазирининг 2026-йил 27-январдаги 27-сонли фармойиши ва Фарғона вилояти ИИБ бошлиғининг 2026-йил 31-январдаги 08-сонли фармойишига асосан 2026-йил 1-февралдан 1-мартга қадар “Ёшлар орасида гиёҳвандлик воситалари ва психотроп моддалар тарқалишини олдини олиш” комплекс тезкор-профилактик тадбирлари ойлиги эълон қилинди.
Мазкур ойлик доирасида Фарғона туманида белгиланган вазифалар ижросини таъминлаш мақсадида Абу Алий Ибн Сино номидаги Тиббиёт техникамида йиғилиш ташкил этилди. Тадбир давомида ёшларга гиёҳвандлик ва наркоҳуқуқбузарликларнинг салбий оқибатлари ҳақида тушунтиришлар берилиб, мавзуга оид видеоролик намойиш этилди.
Тадбирнинг асосий мақсади ёшлар орасида соғлом турмуш тарзини тарғиб қилиш, уларни турли зарарли иллатлардан асраш ҳамда жамиятда ҳуқуқбузарликларнинг олдини олишдан иборат бўлди.