Фарғона туманида сайёр қабуллар: фуқароларнинг мулк ҳуқуқларига оид мурожаатлари жойида ҳал этилмоқда
2026-02-04 19:05:00 / Янгиликлар
Фарғона туман адлия бўлими томонидан ҳудуддаги маҳаллаларда фуқаролар билан бевосита мулоқотни кучайтириш, уларнинг ҳуқуқий муаммоларини жойида ҳал этиш мақсадида сайёр қабуллар мунтазам ташкил этиб келинмоқда.
Хусусан, туманнинг “Юксалиш” МФЙ ҳудудида “Мулк ҳуқуқлари кафолатлари” акцияси доирасида навбатдаги сайёр қабул ўтказилди. Қабул жараёнида фуқароларнинг мулкка оид муаммолари ва мурожаатлари тингланиб, ҳар бир масала юзасидан ҳуқуқий тушунтиришлар берилди.
Сайёр қабул давомида жами 50 нафар фуқаронинг мурожаатлари кўриб чиқилди ҳамда уларнинг аксарияти жойида ижобий ҳал этилди. Жумладан, Ўзбекистон Республикасининг ЎРҚ–937-сонли Қонуни ижроси доирасида тегишли фуқароларга тўлов хабарномалари расмийлаштирилиб, етказиб берилди. Шунингдек, мулк ҳуқуқи эътироф этилган фуқароларга кўчмас мулкни давлат рўйхатидан ўтказиш тартиби бўйича батафсил тушунчалар берилди.
Бундан ташқари, қабул давомида фуқароларга Ўзбекистон Республикаси Президенти ПҚ–1-сонли қарорининг мазмун-моҳияти юзасидан ҳам тушунтириш ишлари олиб борилди. Шу билан бирга, жамиятда долзарб бўлган масалалардан бири — гиёҳвандлик жиноятларининг олдини олиш, унинг салбий оқибатлари ва жавобгарлик масалалари ҳақида ҳам фуқароларга ҳуқуқий тарғибот ўтказилди.