Фарғона тумани ҳокимлиги

Ўзбекистон Республикаси Миллий статистика қўмитаси томонидан аҳоли ва қишлоқ хўжалигини рўйхатга олиш тадбири доирасида онлайн рўйхатдан ўтган фуқаролар ўртасида тасодифий танлаш (random) усули орқали совғалар топширилиши эълон қилинган эди. Мазкур ташаббус доирасида биринчи совриндорлар аниқланди.

Хусусан, Фарғона вилояти, Фарғона туманида истиқомат қилувчи фуқаро Хайдарова Таманнохон Авазхоновна ташаккурнома ҳамда планшет қурилмаси билан тақдирланди. Ушбу рағбатлантириш тадбири фуқароларнинг рўйхатга олиш жараёнида фаол иштирокини таъминлаш, статистик маълумотларнинг тўлиқлиги ва ишончлилигини оширишга хизмат қилмоқда.

Аҳоли ва қишлоқ хўжалигини рўйхатга олиш тадбирида онлайн иштирок этиш имконияти давом этмоқда. Фуқароларни фаол бўлишга чорлаган ҳолда, рўйхатдан ўтган иштирокчилар ўртасида совғалар ўйинлари босқичма-босқич амалга оширилади.

Рўйхатдан ўтинг ва совғалар соҳиби бўлинг!