Фарғона тумани тиббиёт бирлашмаси бошлиғи “Шуҳрат” медали билан тақдирланди
2025-11-09 20:25:00 / Янгиликлар
Ўзбекистон Республикаси Президентининг “Тиббиёт ходимлари куни муносабати билан соҳа ходимларидан бир гуруҳини мукофотлаш тўғрисида”ги фармони эълон қилинди.
Мазкур фармонда тиббиёт соҳасида кўп йиллик самарали меҳнати, аҳоли саломатлигини сақлаш ва соғлом турмуш тарзини тарғиб этиш йўлидаги фидокорона хизматлари учун соҳа вакилларининг бир гуруҳи давлат мукофотларига лойиқ деб топилди.
Улар орасида Фарғона тумани тиббиёт бирлашмаси бошлиғи Тошбоев Хусниддин Нумонжонович ҳам бор. У соғлиқни сақлаш тизимидаги юксак масъулият, ташаббускорлик ва фидойилиги учун “Шуҳрат” медали билан тақдирланди.
Фарғона тумани ҳокимлиги, Халқ депутатлари туман кенгаши ва кенг жамоатчилик номидан Хусниддин Тошбоевни ушбу юксак эътироф билан самимий табриклаймиз. Унинг узоқ йиллар давомида тиббиёт тизимини ривожлантириш, аҳолига сифатли тиббий хизматлар кўрсатиш ҳамда соғлом жамият барпо этиш йўлидаги ҳиссаси эътирофга лойиқдир.
Мазкур мукофот нафақат Хусниддин Тошбоевнинг шахсий меҳнати, балки Фарғона тумани тиббиёт жамоасининг фидойилиги ва юксак масъулиятини ифодалайди.