Фарғона тумани ҳокимлиги

Фарғона тумани ихтисослаштирилган мактаби халқаро нуфузли Times Higher Education (THE) ташкилоти томонидан “THE Accredited Counsellor 2025–2026” сертификати билан тақдирланди.

Мазкур сертификат мактаб ўқувчиларининг халқаро таълим йўналишидаги ташаббускорлиги, глобал таълим дастурларида фаол иштирок этиши ҳамда мактаб маслаҳатчиси томонидан тайёрланган “Ижтимоий нофаол ўқувчилар билан ишлаш” мавзусидаги тезиснинг намунавий деб топилгани натижасида берилди.

Дастур Common Purpose ва BMI (British Management Institute) ҳамкорлигида ташкил этилган бўлиб, ушбу аккредитация Буюк Британияда жойлашган Times Higher Education (THE) халқаро ташкилотининг Counsellor Accreditation Programme (THE CAP) доирасида тақдим этилади. Дастур ўқувчиларни хорижий олий таълим муассасаларига йўналтирувчи маслаҳатчиларнинг касбий салоҳиятини оширишни мақсад қилади.

THE Accredited Counsellor мақоми икки йил давомида амал қилади ҳамда таълим муассасасининг халқаро нуфузини оширувчи муҳим кўрсаткич ҳисобланади. Мазкур эътироф ҳозирда Ўзбекистон бўйича атиги бешта таълим муассасасига берилган бўлиб, шулар қаторида Фарғона тумани ихтисослаштирилган мактабининг ўрни алоҳида эътиборга лойиқдир.

Ушбу ютуқ мактаб жамоаси, ўқитувчилар ва маслаҳатчиларнинг халқаро таълим тизими билан интеграцияни кучайтириш, ўқувчиларнинг ижтимоий фаоллигини ошириш ҳамда уларни глобал миқёсда рақобатбардош кадрлар сифатида тайёрлаш йўлидаги изчил меҳнатини яққол ифодалайди.

Фарғона тумани ихтисослаштирилган мактаби ушбу юксак эътироф орқали нафақат туман, балки бутун мамлакат таълим тизимида халқаро миқёсда тан олинган илғор ўқув масканлар қаторида муносиб ўрин эгаллади.

Фарғона тумани ҳокимлиги номидан мазкур ютуқ муносабати билан ихтисослаштирилган мактаб жамоасини, педагогларни ва ўқувчиларни чин дилдан табриклаймиз.