Ўзбекистон Республикаси давлат мустақиллигининг 35 йиллиги арафасида Данғара туманида бир гуруҳ оилалар фарзандларига мактаб формалари топширилди.
2026-08-21 10:00:00 / Янгиликлар
Меҳр ва саховат — эзгуликнинг ёрқин намунаси
Ўзбекистон Республикаси давлат мустақиллигининг 35 йиллиги арафасида Данғара туманида бир гуруҳ оилалар фарзандларига мактаб формалари топширилди.
🔷Туман ҳокимлигида ташкил этилган тадбирда Ўзбекистон Маҳалла хайрия жамоат фонди Фарғона вилояти бўлими раиси Акрамжон Юлбарсов иштирок этиб, юртимизда инсон қадрини улуғлаш, аҳолини ижтимоий қўллаб-қувватлаш борасида амалга оширилаётган кенг кўламли ислоҳотлар ҳақида сўз юритди.
🔷Шунингдек, Ўзбекистон Маҳалла хайрия жамоат фонди томонидан озиқ-овқат маҳсулотлари ҳамда уй-жойларини қайта таъмирлаш учун қурилиш ресурслари топширилди.
🔷Мустақиллигимизнинг 35 йиллиги арафасида амалга оширилаётган бундай хайрли ишлар байрам шукуҳи билан бир қаторда, халқимиз қалбида эзгулик, бирдамлик ва келажакка ишонч туйғуларини янада мустаҳкамлашга хизмат қилмоқда.