Данғара тумани ҳокими Кичик Турк маҳалласида аҳоли билан навбатдаги сайёр қабул ўтказиб, фуқароларнинг мурожаат ва таклифларини бевосита жойида тинглади.
2026-08-20 11:00:00 / Янгиликлар
Данғара тумани ҳокими Кичик Турк маҳалласида аҳоли билан навбатдаги сайёр қабул ўтказиб, фуқароларнинг мурожаат ва таклифларини бевосита жойида тинглади.
🔷Сайёр қабулда маҳалла аҳолисининг кундалик ҳаётида муҳим аҳамият касб этувчи электр энергияси таъминоти, ичимлик суви ҳамда оқова сув тармоқлари билан боғлиқ масалалар асосий муҳокама мавзуси бўлди.
🔷Шу билан бирга, маҳалладаги оқова сув каналлари ва тармоқларининг ҳолати, уларни таъмирлаш, тозалаш ва аҳоли учун қулай шароит яратиш билан боғлиқ масалалар ҳам атрофлича муҳокама қилинди.
🔷Қабул давомида ҳар бир мурожаат алоҳида кўриб чиқилиб, муаммоларнинг сабабларини ўрганиш ва уларни бартараф этиш бўйича масъул раҳбарларга аниқ вазифалар белгилаб берилди.
🔷Шунингдек, масъул ташкилотларга аҳолига кўрсатилаётган коммунал хизматлар сифатини яхшилаш, мавжуд муаммоларни босқичма-босқич бартараф этиш ҳамда фуқароларнинг ҳақли талабларини қаноатлантириш юзасидан зарур чораларни кўриш топширилди.