Данғара туманида ёшлар мурожаатлари ва белгиланган топшириқлар ижроси таҳлил қилинди
2026-08-12 14:00:00 / Янгиликлар
Данғара туманида ёшлар мурожаатлари ва белгиланган топшириқлар ижроси таҳлил қилинди
Маълумки, Республика ишчи гуруҳининг Фарғона вилоятига ташрифи давомида белгиланган вазифалар ижросини назорат қилиш мақсадида Фарғона вилояти ҳокимлигининг ишчи гуруҳи томонидан ҳудудларда ўрганиш ишлари олиб борилмоқда.
Данғара тумани ҳокими Шухратжон Тожихакимов раислигида, масъул идора ва ташкилотлар вакиллари иштирокида муҳокама йиғилиши ўтказилди.
Йиғилиш давомида ёшларга оид давлат сиёсатини амалга ошириш доирасида белгиланган вазифалар ижроси, ҳудудларда ёшлар билан ишлаш бўйича олиб борилаётган ишлар, ёшлар бандлигини таъминлаш, уларнинг бўш вақтини мазмунли ташкил этиш ҳамда берилган топшириқлар ижроси атрофлича таҳлил қилинди.
Муҳокама якунида масъул ташкилотларга белгиланган вазифаларни ўз вақтида ва сифатли бажариш, ижро интизомини янада кучайтириш ҳамда аниқланган камчиликларни бартараф этиш бўйича тегишли топшириқ ва кўрсатмалар берилди.